3911 Sisimiut

Umiarsualivimmut 2, 1. sal

 

+299 86 35 00

  • Grey YouTube Icon
  • Grey Flickr Icon
  • Grey Vimeo Icon

Arctic Circle Business pisortartaartoq

August 18, 2017

 

Juliane Henningsen Arctic Circle Businessimi pisortatut atorfinitsinneqarpoq.

    

Juliane Ilulissani Halibut Greenland Aps-imi Pisortaqarfimmi allatsitut atorfeqareerluni sulilerpoq.

Julianep suleqatigilernera nuannaarutigeqaara, inuussutissarsiuteqarnermi kattuffimmi siulersuisut siulittaasuat, Jens Christian Eldevig oqarpoq.

 

Siulersuisunit Julianep Halibut Greenland Aps-imi attaveqaqatigiinnermut, pilersaarutinillu ataqatigiissaarinermut misilittagai kiisalu nunatsinni politikkikkut suliaqarsimanermigut misilittagai isiginiarpagut, siulersuisut siulittaasuat oqarpoq.

 

Juliane Henningsen 33-nik ukioqartoq Ilulissaneersuuvoq Ilisimatusarfimmilu inuiaqatigiilerinermik ilinniagaqarluni. Juliane Inatsisartuni, Folketingimilu ilaasortaasimavoq. Nunafondenimi siulittaasutut Folketingimilu Standing Committee of Arctic Parliamentariansimilu siulittaasup tulliatut atuuffeqarsimalluni.

 

Pisortanngortoq Sisimiuni amutsivitoqqamit Arctic Circle Businessip immikkoortortai marluk tassa Maniitsumiittoq Sisimiuniittorlu oktobarip aallaqqaataaniit pisortaaffigilissavai.

 

Assi: Juliane Henningsen

Please reload