Sisimiunut takornariarnermi najoqqutassiat saqqummerput

November 7, 2018

 AECO-mit, Association of Arctic Expedition Cruise Operators, kiisalu Arctic Circle Business-imit nutaarsiassaqartitsivinnut nalunaarut:

 

Sisimiunut takornariarnermi najoqqutassiat saqqummerput

 

Sisimiut Kalaallit Nunaanni illoqarfinni siullersaalluni atulersippai “Community Specific Guidelines” – Kalaallit Nunaanni illoqarfimmi nunaqarfimmiluunniit najoqqutassanngorlugit. Najoqqutassiap takornarissat ilitsersussavai qanoq mianerinnittumik tikeraartuusinnaanermik, najoqqutassiallu ineriartortinneqarnikuupput Association of Arctic Expedition Cruise Operators-ip (AECO) maligassiai malillugit.

 

Sisimiut Kalaallit Nunaanni illoqarfiit annersaasa aapparivaat takornariaqarfittullu tusaamaneqarluarluni, misigisassarsiorlunilu takornarialerinermi qitiulluinnartumik inissisimalluni. Illoqarfiup takornarissanut najoqqutassiai nutaat inunnut inoqarfiusunut tikeraartartunut sammisuupput. Najoqqutassiat imaqarput, tikeraarneq pissarsiaqarfigineqarluaqqullugu iliuuserisinnaasanik, taavalu siunnersuutit pitsaasut qanoq ataqqinnittumik takornarissatut pissuseqarsinnaanermik.

Najoqqutassiat ilaatigut takornarissanut kaammattuipput nunaqavissunik assiliissatillutik apereqqaartarnissamik, ersarissarlugulu illoqarfimmi qimmit inuuniutigalugu qimmiummata, uumasuutaanngitsut.

Tikeraat aamma kaammattorneqarput tikiffigisami niuertassasut nunaqartullu nerisassaataannik ussiisassasut, taamatullu piorsarsimassutsip qanimut misiginissaanik kaammattorneqarput, taamaasillutik nunaqavissut nunaqavissullu ileqqui tapersersorneqarsinnaammata. Tikeraat aamma siunnersorneqarput itsarnitsanik takussutissartalinnik siumungaqartillutik ingalassimaniaqqullugit, tikeraarnerminnilu pinngortitamik eqqiluitsuutitsinissamik oqariartorfigineqarlutik.

 

Sisimiuni najoqqutassiat suliarineqarput piffimmi inuussutissarsiornermut takornariaqarnermullu siunnersuisooqatigiinnit - Destination Arctic Circle – AECO-mit tapersersorneqarlutik kiisalu NORA-miit aningaasaliivigineqarnikkut (Nordisk Atlantsamarbejde) piviusunngorsinnaasimapput.

”Sisimiut takornariarfiuvoq nuannarineqartoq, najoqqutassiallu takornarissat illoqarfitsinnik pitsaanerusumik paasinnissimallutik tikittarnissaat qulakkiissavaat. Takornarissat amerlasuutigut piffissami sivikitsumi tikittarput, maligassiallu periarfissippaatigut tikeraat toqqaannarnerusumik attaviginissaanut, nunaqavissut kissaataat ilisimasaallu pillugit,” Anette Lings, Arctic Incoming, oqarpoq.

 

Frigg Jørgensen-ip, AECO-mi pisortap, neriuutigaa najoqqutassianik pilersitsineq immikkut Sisimiuni innuttaasunit takornarissanillu tigulluarnarumaartoq.

“Nuannaarutigaarput Sisimiut illoqarfinni siullersaalluni piffimmi najoqqutassianik inerisaammat AECO-p ilusilersugaa ikiortigalugu. Najoqqutassiat takornarissanut paasissutissanik naleqarluartunik imaqarput, qanoq annertunerusumik mianerinnittumik tikeraartuusinnaanermik. Innuttaasunik akuutitsineq pingaaruteqarpoq, piujuaannartitsinermik atuilluartuunermillu takornarialerinermi, najoqqutassiallu immikkut ittut Sisiumiuni innuttaasunut sakkussaalluarput, innuttaasut tikeraallu akunnerminni ilisimasanik avitseqatigiinnissaannut”,Frigg Jørgensen, oqarpoq

Sisimiut illoqarfiata immikkut ittumik najoqqutassiai pissarsiarineqarsinnaapput Destination Arctic Circle aamma AECO nittartagaanni.

Nutaarsiassaqartitsivinnut nalunaarutip tuluttut kalaallisullu oqaasertallit uani aaneqarsinnaapput:

 

https://www.dropbox.com/sh/pwl0rosjv38bpnv/AABaDQj1NqC34-GNY5uA8sPKa?dl=0 

 

Assit:

Assit tamakkiisumik angissusillit aaneqarsinnaapput:

 

https://www.dropbox.com/sh/pwl0rosjv38bpnv/AABaDQj1NqC34-GNY5uA8sPKa?dl=0

 

 

 

Nassuiaat: Sisimiut takornariartaatip igalaavaniit. (foto: Destination Arctic Circle)

 

 

Nassuiaat: Maleruagassat nutaat takornarissat Sisimiuniinnerminni suut eqqumaffigissaneraat tikkuussivigaat, Sisimiut Kalaallit Nunaanni illoqarfiit annersaata tulleraa. (foto: Destination Arctic Circle).

 

 

AECO - Association of Arctic Expedition Cruise Operators AECO tassaavoq nunat tamalaat akornanni issittumi takornariartaatinik takornariartitsisartut susassaqartullu suleqatigiiffiat. Suliniaqatigiiffiup anguniagarivai avatangiisinut mianerinnittumik, tikitanullu ataqqinnittumik takornariartaatinik takornariartitsineq. Suliniaqatigiiffik kattuffittut atuuppoq 70-inillu nunani tamalaaniit ilaasortaqarluni – taakkunani takornariartaatinik ingerlataqartut 40-t kiisalu umiarsuit takornariartaatit 50-it – taamaalilluni AECO-p issittumi takornariartitsinerit annerpaartaat ataqatigiissagarivai.

Nittartagaq: www.aeco.no

Kontakt: Edda Falk, Communications manager: edda@aeco.no | Cell: +47 476 32 550

 

Destination Arctic Circle

Destination Arctic Circle tassaavoq “Destination Management Organisation”, piffimmiittunik atorfeqartunik allattoqarfimmik ingerlatsisut. Taakkua sullissinerminni suleqatigisat apeqqutini assigiinngitsuni soorlu unnuiffissat, takornariagassat, periarfissaasinnaasut, neriniartarfiit allallu takornarissat atorfissaqartitaannik siunnersuillutillu ikiuuttartut. Destination Arctic Circle Kalaallit Nunaata Kitaaniippoq qaasuitsullu killeqarfianiilluni. Nunap ilaa taanna innuttasut 10.000-it najugaqarfigivaat, illoqarfinni Sisimiuni Maniitsumilu kiisalu nunaqarfiit arfinillit. Kalaallit Nunaata nunanut allanut mittarfissua Kangerlussuaq Destination Arctic Circle-miipportaaq.

Nittartagaq: http://www.destinationarcticcircle.com/

Kontakt: Juliane Henningsen jh@acb.gl | +299 863500 | +299 488148

 

Atlantikup Avannaani Suleqatigiiffik (NORA) tassaavoq Nunani Avannarlerni Ministerit siunnersuisooqatigiit nunap immikkoortuini politikkikkut suleqatigiinnissamut pisussanut pilersaarutip ataani naalakkersuisut suleqatigiiffiat, tassaniillutik Kalaallit Nunaat, Island, Savalimmiut aamma Norgep sineriaa. Aaqqissuussaanermi Nunani killerni suleqatigiinneq 1981- imeersoq tunngavigineqarpoq aammalu NORA-nngorluni, tassami Norgep sineriaa 1996-imi suleqatigiinnermi ilaalermat. Nunat NORA-miittut nunami sumiiffinni inissisimaffitsik, assigiimmik ilisarnaateqarnertik, assigiinnik anigorniagassaqarnertik kiisalu oqaluttuarisaanikkut, sullissivitsigut kulturikkullu ataqatigiinnertik tunngavigalugit imminnut atasuupput.

Nittartagaq: https://nora.fo/  

 

 

Please reload

3911 Sisimiut

Umiarsualivimmut 2, 1. sal

 

+299 86 35 00