3911 Sisimiut

Umiarsualivimmut 2, 1. sal

 

+299 86 35 00

  • Grey YouTube Icon
  • Grey Flickr Icon
  • Grey Vimeo Icon

TAKORNARIANIK QIMUSSIUSSINEQ PIMOORUTSIGU

February 8, 2019

Arctic Circle Business-ip siunertarivaa Qeqqata Kommuniani takornariaqarnerup siuarsarnissaa. Tamatumani takornarialerinermik suliaqartut peqatigilluinnarpagut. Taamaattumik takornarianut qimussiussinermik suliaqartooreersut soqutiginnittullu 02.-03. februar workshoppertippagut. Workshoppernermi qulequtarineqarpoq:  ”Qanoq ililluni takornariaqarneq aallaavigalugu qimussiussisarneq inerisarneqarsinnaava?”

 

Kangerlussuarmi Sisimiunilu qimussiussisarnerit tunisaanerpaatut inissisimapput. Nunap immikkoortortaani qimussiunneqarusuttut tunniunneqarsinnaasunit amerlanerupput. Angallassisut aalajaallutillu pitsaasuummata taavalu nuna angallaviusinnaasoq periarfissat arlaqarnerannut pisooqataavoq. Suliniutit ilagissavaat sullissinerup pitsaasup pigiuarnissaa, aammattaarlu angallassisut pitsaasut amerlinissaannik kissaateqarnermi suliniutit peqataasunit ilaatigut siunnersuutigineqarput:

 

  • Qimmiutilinnut aningaasaqarnerup tungaatigut pitsanngorsaaneq

  • Ukiukkut aqqutit Sisimiut Kangerlussuullu akornaniittut missorneqarnissaat. Pitsanngorsagassat assigiinngitsut ilisarnaaserneqarnissaat qimussiussisartut, piniartut takornariaqarnermillu ingerlatsisut atuisuusut pitsaanerusumik misigisaqarsinnaanngorniassammata, ingerlaarfiusullu takissusaat sillimaniarnerlu.

  • Ukiut tamaasa workshopeqarnissanik neqeroorneq, pikkorissaanerit assigisaallu, qimussiussilluni angallassinermut tunngasut soqutiginnittoqarnerulernissaa ilisimasallu pigiinnarneqarnissaat Sisimiuni Kangerlussuarmilu.

  • Qimusserneq pillugu oqaluttuarneq: piorsarsimassusermi oqaluttuarisaanermi pingaaruteqassusia, ullutsinni atorneqarnera, angallassisartunut nittartakkamullu.

  • Assiliiffiusinnaasut pitsaasunik toqqaaneq kiisalu assinik isiginnaagassiallu pilersitsineq

  • Qimussiussisartut suliffeqarfeeqqatut ingerlatsisarnissaat

  • Qimussiussisartut ikioqatigiinnissaat

  • Takornariartaatinik aasakkut tikittartunut tulluarsakkanik misigisassanik ineriartortitsisoqartariaqarpoq, soorlu nerukkaasoqartillugu takuniaaneq pisuttuaassinerillu.

  • Qimussiussinermi atortut atukkat pitsaasuussapput isumannaatsuullutillu.

  • Pikkorissarnissanut periarfissat piusariaqarput, soorlu unnukkut oqaatsinik pikkorissarnissamut.

  • Oqaatsinik atorneqarnerpaasartunik allattorsimaffinnik saqqummersitsisarnerit Visit Greenland peqatigalugu pissapput.

  • Ukiukkut sikumi aalisariartitsisarnernik neqerooruteqartalernissaq anguniarneqassaaq. Soorlu Kangerluaarsuk tullermut.

  • Kalaallit qimmiisa siuaasaasa allattorsimaffiannik pilersitsineq, kalaallillu qimmiata immikkuullarissusaanik ersarissaaneq.

  • Kalaallit Nunaanni qamutit piujuarnissaat qamutillu pillugit ilisimasat siammarterneqarnissaat pisariaqarpoq.

  • Qimussiussisartunut allagartaqalersitsinissaq takussutissamik. (qimussiussisup paasissutissai).

  • Qimussiussisarneq avammut nittarsaanneqarnerusariaqarpoq.

  • Qimmeqarneq pilerinartuusariaqarpoq qimmitaarniarlunilu aallartisartunut paasissutissanik pissarsineq ajornannginnerusariaqarpoq, assersuutigalugu Qimusseq Sisimiut peqatigiiffianiit ammaffigineqarluni.

  • Qimussiussisarnerit inerisarneqassapput, soorlu unnukkut qaammatigissumi qimussiussinerit arsarnernillu takornariaqartitsinerit.

  • Qimussiussisarneq politikkikkut annertunerusumik tapersersorneqartariaqarpoq, sinaakkutissanik pitsaanerusunik pilersitsinikkut, takornarianullu toqqissimaneq anguniarlugu nivattarnerit kommunimiit qimussiussisarnerni eqqumaffigineqassapput aqqutit isumannaatsumik naammassineqartarnissaannut.

  • Qimussiussisartut akileraartarneri nalilersoqqinneqarnissaat sulissutigineqassaaq, qimussiussisarneq soqutiginarsarniarlugu

  • Qimmit nerisassaannik nunatta pissarititaanik pilersitsinissaq qimmillu nerisassaasa akikinnerusinnaanerat sulissutigineqassaaq.

  • Qimmit peqqinnissaat siuarsarusullugu Sisimiuni uumasut nakorsaanik atorfinitsitisoqarnissaa sulissutigineqassaaq.

  • Qimussit aqqutaat illersorlugit angallavissatut innersuussat atorneqarnissaat qamuteralannik angallavigineqannginnissaat illersorneqassapput

  • Sannavimmik qamusiorfissamik aammalu anuleriffissamik pilersitsisoqarnissaa sulissutigineqassaaq, innuttaasut qimmillit katersuuffigisinnaasaannik.

  • Qimussiussisartut piorsarsisamassutsikkut assigiinngissutsinut, takornarianut paasinnittariaaseqarnissaat sullissilluarnissamillu sammisaqartinneqarnissaat aallarnisaasunut unnussiuaartitsinitsinni ingerlanneqarnissaat kissaatigineqarput.

  •  

     

     

     

     

     

     

     

     

     

     

     

     

Please reload